Colidiu co seu vehículo contra turismo na AC-543, en Toxos, Lousame.
Segundo a información recollida no 112 Galicia, o sinistro produciuse minutos antes das once da pasada noite, e pouco se puido facer por salvar a vida do motorista.
Os profesionais de Urxencias Sanitarias de Galicia-061 deron a voz de alarma sobre o accidente cando unha dotación ía xa en camiño. Pola súa parte, os xestores do 112 pediron a colaboración dos membros do GES de Noia, así como dos axentes da Garda Civil de Tráfico.
Tamén recibiron información sobre o suceso os Bombeiros de Boiro, pero a vítima estaba liberada e accesible e descartouse a súa intervención.
En canto á actuación dos efectivos do GES de Noia, cómpre indicar que, ademais da súa colaboración co persoal médico, limparon a vía co fin de recuperar as condicións de seguridade necesarias.
