Un veciño de Noia de 75 anos que levaba desde as 11 da mañá desaparecido apareceu nunha leira próxima á piscina municipal, nun terreo que ten herba alta, o que puido despistarlle. Un veciño escoitou como chamaba polas súas fillas e deu o aviso. A pesar de que estaba mollado pola choiva caída durante toda a xornada, Armando Sendón atópase en bo estado, aínda que foi trasladado ao centro de saúde para ser examinado e presentaba un golpe na cara, polo que podería caerse.
Armando Sendón de 75 anos e que sofre alzhéimer saíu do seu domicilio, na zona de Barro, e ao non regresar para comer, algo que sempre fai, os familiares comezaron a preocuparse. Afortunadamente, o noiés foi localizado san e salvo a uns 300 metros de onde foi visto por última vez.
