O Concello de Boiro recibiu unha subvención da Deputación da Coruña para o financiamento dos gastos de persoal técnico nos servizos municipais de deporte para o ano 2023. A achega é de 15.000 euros e vai destinada á dinamización do deporte no municipio.
Máis en detalle, o obxectivo desta subvención é, en palabras do Concello, “o mantemento do persoal técnico do departamento de deportes e realizar funcións de coordinación de actividades deportivas, organizar e desenvolver eventos e actividades lúdico-deportivo, supervisar a posta a punto de instalacións e medios…”.
Dende o Consistorio lembran que o persoal técnico de deportes desenvolve o programas deportivos promovidos polo Concello de Boiro como son as Escolas Deportiva Municipais ou os Veráns Deportivos. Do mesmo xeito, este persoal ocupase do desenvolvemento de probas deportivas como son a Carreira Popular Mar de Boiro, a Festa da Bici ou outros torneos e actividades que se desenvolven coa colaboración dos clubs deportivos do municipio.
