Ao abeiro da súa fronte aberta, ampla, participativa e de longo percorrido, a asociación da nosa comarca Amicos favoreceu que as persoas usuarias do Centro Integral de Comoxo que a entidade ten en Boiro exercesen este domingo o seu dereito ao voto nas eleccións municipais 2023. Fixérono no CEIP de Pazos-Comoxo, ao abeiro da campaña de integración democrática Mi Voto Cuenta.
Para liberar o proceso de atrancos, as mesas electorais estiveron correctamente sinalizadas con pictogramas informativos adaptados. Este elementos, explican dende a asociación, fixeron que estas eleccións contasen con sistemas para axudar á comprensión e á inclusión social.
