Na quenda da mañá do día de onte, 11 de decembro, cando se realizaba un control preventivo de tráfico no lugar de Rianxiño e enmarcado na campaña de vixilancia de consumo de alcohol e drogas na condución da Dirección Xeral de Tráfico (DXT), a Policía Local de Rianxo detectou outro vehículo cuxo condutor comprobouse que carecía de permiso de conducir como consecuencia da perda da totalidade dos puntos. Ademais, apúntase que lle constaban numerosos antecedentes por feitos similares e que deu positivo na proba de detección de drogas efectuada. Así, procedeuse á instrución de dilixencias penais e á súa investigación por un delito contra a seguridade do tráfico, ademais da sanción administrativa correspondente.
Xosé Ricardo Losada presenta o seu libro de aventuras “Un inferno frío” en Rianxo (este sábado 25 no auditorio)
O escritor e profesor rianxeiro Xosé Ricardo Losada vai presentar na súa terra, esta semana, a súa nova peza literaria: Un inferno frío. Será no salón de actos do Auditorio de Rianxo, o sábado 25 de maio ás 20.30 horas. No acto contarase coa presenza de Óscar Reboiras...