O Auditorio Municipal de Rianxo acolle este venres a representación dun novo espectáculo de humor para público familiar a cargo de Arturo Cobas e Natalia Pajarito. Trátase de Bagaxe, unha función de teatro físico conducido por Cobas e Pajarito, dous dos máis sobranceiros clowns do panorama galego actual, que se xuntan por vez primeira nesta “viaxe física e cómica. A cita será o venres 24 de maio ás 20.00 horas, cunha duración de 55 minutos. A entrada será de balde ata completar capacidade e a recollida de convites comezará dende unha hora antes do comezo do espectáculo na billeteira do Auditorio.
Sinopse
As emocións, vivencias, ilusións, experiencias, en definitiva, a bagaxe da humanidade, está gardada en 60 maletas, custodiadas por un pallaso e unha pallasa. Arturo Cobas e Natalia Outeiro Pajarito únense para crear o espectáculo cómico das súas vidas, onde cada maleta contén unha sorpresa, unha historia, unha nova aventura por descubrir. Mais, que pode saír mal cando se trata dunha combinación tan explosiva como a de dous artistas coa súa propia bagaxe emocional?
Dirección: Natalia Outeiro Pajarito e Arturo Cobas
Intérpretes: Natalia Outeiro Pajarito e Arturo Cobas
Iluminación/espazo escénico: As Dúas en Punto
Vídeo e foto: Sol Álvarez
Axuda a creación: AGADIC- Xunta de Galicia
Colaboran: Manu Lago, Concello de A Estrada, Concello de Negreira, Concello de Ames, Concello de Rianxo, Concello de Santiago.
