A revista National Geographic elaborou unha listaxe coas praias máis espectaculares de España e tres delas sitúanse en Galicia. Na nosa comarca aparece a Praia de Castro de Baroña, en Porto do Son.
Segundo a emblemática revista a tan só uns quilómetros da localidade de Porto do Son, localízase unha das praias máis especiais de Galicia.
Unha histórica praia de tradición nudista, de area fina e augas limpas.
A praia ofrece unha bonita panorámica da ría de Muros e Noia e está situada ademais á beira dun dos castros máis espectaculares e mellor conservados de Galicia: o castro de Baroña.
“As augas son algo frías, sobre todo para os afeitos ao Mediterráneo, pero a cambio din os entendidos que teñen tanto iodo que son perfectas para broncearse”, destaca National Geographic.
Xuntoa Baroña aparecen tamén a Praia das Catedrais, en Ribadeo (Lugo) e a Praia de Rodas, nas Illas Cíes.
