A conselleira de Política Social e Xuventude, Fabiola García, visitou esta tarde o centro de día de atención a maiores do concello de Lousame onde puxo en valor estas instalacións para a atención ás persoas de máis idade. Durante a visita, na que estivo acompañada da alcaldesa María Teresa Villaverde, destacou a calidade da atención que reciben cada día os usuarios deste cetro.
Fabiola García lembrou a importancia de que as persoas maiores conten con servizos de atención a carón dos seus fogares. Deste xeito, sinalou, ofréceselles a liberdade de decidir onde e como vivir esta etapa das súas vidas ao tempo que están ben atendidos e coidados.
