Este venres, 12 de marzo, ás 19:00h terá lugar, no Edificio do Casino, unha conferencia sobre os fondos bibliográficos históricos no IES Virxe do Mar.
Presentarase o labor de catalogación e posta en valor da biblioteca do instituto. Trátase dun traballo realizado por Luis Alamancos e Mª Teresa Rodríguez.
Segundo explican fontes do histórico centro educativo, moitos dos exemplares foron doados por ilustres noieses e gardan anotacións e dedicatorias manuscritas de grande interese, habendo mesmo exemplares únicos que non se atopan no fondo bibliográfico da Biblioteca Nacional de España.
