O Museo de Artes do Gravado e a Estampa Dixital (Ribeira) e o Consistorio de Ribeira acollen este venres 5 de maio a inauguración dunha mostra do artista Julio Zachrisson, baixo o epígrafe Entre dous mundos. A exposición activarase este venres, 5 de maio, ás 12.00 h na sala 2 do Museo do Gravado e ás 13.30 h na Casa do Concello de Ribeira.
Julio Augusto Zachrisson Acevedo (Cidade de Panamá, 5 de febreiro de 19301-Madrid, 18 de decembro de 2021), foi un pintor, gravador e escultor panameño afincado en Madrid.
Ao longo da súa carreira recibiu significativos recoñecementos como o Primeiro Premio de Pintura, Concurso Soberanía do Instituto Nacional de Cultura, Panamá (1975), Accésit VI Premio Gravado Bienal de San Juan, Porto Rico (1992), o Premio Concurso Nacional de Gravado, da Academia de BB. AA. de San Fernando, Madrid (1993), Premio Gravado “Aragón Goya”, Goberno de Aragón, Zaragoza (1996) e a Condecoración “Vasco Núñez de Balboa”, Goberno de Panamá (2006) entre outros.
A súa obra forma parte de importantes coleccións como as da Biblioteca Nacional de España, o Museo de Arte Contemporánea, en Madrid; o Museo de Arte Contemporánea de América Latina, Washington, D.C.; Museum of Modern Art e Metropolitan Museum of Art, ambos en Nova York; Museo de Posnam, Polonia, Cincinatti Art Museum, Cincinatti, Ohio, Museo do Gravado, Fuendetodos, Zaragoza, España, Instituto de Artes Gráficas, Oaxaca, México, así como en coleccións ao redor do mundo (Iugoslavia, Iraq, Colombia, Chile, Porto Rico, Francia).
