Dirixentes da confraría rianxeira mantiveron un encontro cun grupo de pescadores e profesionais de venda polo miúdo para explicarlles que esta campaña xa se poderá comercializar a marca de calidade Xouba de Rianxo-Pesca Artesanal-Arte do Xeito, despois de que a finais de marzo se aprobase o rexistro por parte da Oficina Española de Patentes e Marcas.
No encontro falouse da comercialización e do funcionamento do sistema de rastrexabilidade que haberá que cumprir unha vez que sexan admitidos como usuarios comercializadores deste distintivo. Ademais, tamén se adiantou que se prevén realizar distintas campañas de colaboración con prazas de abastos co obxectivo de promocionar a marca.
A confraría de Rianxo mantivo xuntanza cos pescadores e profesionais de venda polo miúdo. remitida
