O alcalde de Catoira, Alberto García, iniciou reunións con colectivos empresariais e sociais ao obxecto de solicitar apoios para reclamar ante a Xunta de Galicia e o Goberno central a intermodalidad e converter a estación de Catoria nun referente na comarca.
Tras o encontro mantido o pasado 4 de abril con representantes de Comisións Obreiras, o edil reuniuse con Manuel Tomei e Susi Sixto, presidente e administradora da Asociación de Empresarios, Comerciantes e Traballadores da Pobra do Caramiñal e acordaron “traballar conxuntamente na procura de apoios” para que a estación de ferrocarril de Catoira “sexa unha referencia para a comarca do Barbanza”.
Nesta mesma liña, e tras o acordado cos representantes sindicais a principios deste mes, consideran necesario “apostar pola intermodalidad, establecendo os medios de transporte que sexan necesarios para facilitar á poboación dos municipios de Rianxo, Boiro, Ribeira e A Pobra os desprazamentos en tren de proximidade”.
Así mesmo, esta medida repercute directamente nos estudantes que se desprazan ás principais cidades e que teñen que dispoñer de familiares ou achegados que os trasladen á estación en vehículos privados.
