Este venres 28 ás 19:00 horas, o Centro Social de San Cosme (concello de Outes), vai dar acollida a unha importante celebración gastronómica: unha degustación de xurumelos de San Cosme.
Os xurumelos (gromos tenros das cebolas e as ceboliñas) presentaranse elaborados á brasa. O punto forte da celebración serán as cebolas e ceboliñas de San Cosme, que son un produto estrela dentro do territorio e forman parte dunha longa tradición que vén de antigo e que até o de agora se centraba no autoconsumo, ampliándose a marxe, na actualidade, para a súa reivindicación como materia prima gastronómica de primeira orde. As cebolas e ceboliñas de San Cosme teñen a particularidade e ser propias da contorna de Outes e de estar libres da acidez que caracteriza a outras especies de fóra, o que significa que non xera proídos nos ollos e é moi axeitada para caramelizar.
