A Aula CeMIT de Ribeira, centro local de capacitación tecnolóxica ao servizo da cidadanía situado no barrio de Cubeliños, vai ser escenario no próximo mes de maio de dous novos cursos de carácter presencial e gratuíto destinados a reducir a fenda dixital no concello. Un dos obradoiros estará dedicado a informática básica e o outro a ofimática na nube (Google Drive).
En ambos casos as sesións formativas desenvolveranse do 3 ao 31 de maio, en horarios de 9.30 a 11 e 11.30 a 13 horas, respectivamente. As inscricións pódense formalizar na páxina web da Aula CeMIT.
