A Universidade de Santiago de Compostela, en colaboración co Concello de Rianxo, lanzou no municipio rianxeiro unha nova edición do seu proxecto de democratización do coñecemento para persoas maiores: o Cuarto Ciclo chamado Camiños de Coñecemento e Experiencia. A convocatoria vén con media ducia de actividades a desenvolver entre abril e maio.
Este programa está dirixido a persoas que desexen seguir aprendendo e enriquecer a súa formación. “Os Camiños de Coñecemento e Experiencia en Rianxo proporcionan unha oportunidade única para acadar novos coñecementos sobre diferentes temas, tales como historia, arte, literatura, ciencia, tecnoloxía e moitos máis”, explican dende o Concello, engadindo que as inscricións deben formalizarse a través de cultura@concelloderianxo.gal ou chamando ao teléfono 981 100 688.
As conferencias van desenvolverse no Auditorio de Rianxo, seguindo o seguinte programa:
- MARTES 18/04/2023 16:30-18:00h
Seminario: Idadismo, desterrando prexuízos I.
Nieves Rodríguez Soler, Socióloga e Xerontóloga social. Colaboradora do Programa Universitario de Maiores, IV Ciclo da USC.
- MÉRCORES 19/04/2023 16:30-18:00h
Seminario: Os dereitos básicos das persoas consumidoras: como reclamar.
Técnica do Instituto Galego de Consumo
- XOVES 20/04/2023 16:30-18:00h
Seminario: Os servizos no fogar: luz, gas, telefonía e internet.
Técnica do Instituto Galego de Consumo
- MÉRCORES 26/04/2023 16:30-18:00h
Seminario: A carta xeográfica de Galicia de Domingo Fontán.
Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC
- XOVES 27/04/2023 16:30-18:00h
Sesión práctica: Interpretación da carta xeográfica de Galicia de Domingo Fontán.
Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC
- MARTES 02/05/2023 16:30-18:00h
Seminario: Idadismo: desterrando prexuizos II.
Nieves Rodríguez Soler, Socióloga e Xerontóloga social. Colaboradora do Programa Universitario de Maiores, IV Ciclo da USC
