O Concello da Pobra presentou este venres 14 de abril unha nova actividade lúdico-formativo para desfrutar ao aire libre: unha ruta para coñecer os tesouros xeolóxicos do río das Pedras e da súa contorna.
A concelleira do Medio Ambiente da Pobra do Caramiñal, Genoveva Hermo, xunto coa técnica municipal desta área, Beatriz González, explicaron que a ruta ten a finalizade de pór en valor a riqueza do territorio nesta área do municipio, ademais de coñecer o proceso de formación da paisaxe e a súa evolución no tempo.
O xeólogo Francisco Canosa Martínez guiará esta proposta no 23 de abril. A praza Alcalde Segundo Durán figura como punto de encontro ás 10.00 horas, para se desprazar en vehículos particulares ao aparcadoiro da Aldea Vella, para logo iniciar a pé un itinerario que, ao longo de 5 quilómetros, percorrerá a contorna dun dos espazos naturais máis emblemáticos da localidade.
Establécense un total de 20 prazas e as inscricións efectuaranse de balde a través do enderezo electrónico medioambiente@apobra.gal.
