O Concello de Boiro realiza este sábado primeiro de abril un acto público en homenaxe aos navegantes que contribuíron ao desenvolvemento económico de Boiro. O acto desenvolverase este sábado ás 19.00 horas no acceso ao parque da Cachada, onde se vai colocar unha placa conmemorativa para todos aqueles navegantes e as súas familias.
O lugar escollido é o mesmo no que se colocou unha áncora de grandes dimensións procedente dun petroleiro na rotonda da intersección da avenida de Compostela e a avenida de Barraña e que serve de recoñecemento a todas as xeracións de navegantes de Boiro.
