O Concello de Boiro recibiu, para a Asociación de Voluntarios de Protección Civil e Emerxencias, unha tenda de campaña de emerxencias. O concelleiro, Marcos Fajardo, acompañou aos membros do dito servizo municipal na recepción do material que tivo lugar na mañá deste 24 de marzo na Delegación Territorial da Xunta de Galicia.
Estas tendas de campaña están habilitadas para ser despregadas en situación de emerxencia e que ofrecen tamén facilidades para o seu transporte, montaxe e desmontaxe. “Trátase dun material moi necesario para prestar determinados servizos como a colaboración en accidentes ou outros dispositivos de emerxencia que se presta tanto no propio concello como en colaboración cos servizos de emerxencias de outros municipios”, afirmou o concelleiro Marcos Fajardo.
O material recibido forma parte da subvención de Vicepresidencia Segunda da Xunta de Galicia para a adxudicación de equipos de emerxencias, co-financiados polo Fondo Europeo de Desenvolvemento Rexional, no marco do programa operativo FEDER-Galicia.
