O Restaurante Baiuca vai dar acollida o vindeiro mes de abril á celebración do sétimo aniversario do Grupo BNI Terramar en Ribeira.
Os obxectivos do encontro, amais de conmemorar a breve pero frutífera andaina do grupo, é dar a coñecer a actividade do mesmo na comarca do Barbanza, avanzando na incorporación de máis empresas á esta rede empresarial. Tamén se busca “promover o gran traballo conxunto que está a levar a cabo gran parte do tecido empresarial da área do Barbanza – O Salnés e dar notoriedade ao concepto BNI mediante a mostra do apoio das institucións”.
Ademais, explican dende o grupo, “será un día perfecto para que os empresarios e empresarias aproveiten para realizar networking e coñecerse entre si, obxectivo final da nosa filosofía”, explican dende a rede, engadindo que o seu obxectivo tamén reunir máis de 300 empresarios e empresarias da zona, acompañados por importantes representantes de asociacións empresariais, sociais e de institucións públicas locais e autonómicas; así como polos maiores representantes de BNI España.
A cita será o venres 14 de abril no Restaurante Baiuca (Goda 5, Artes, Ribeira).
Programación
19:45 — Apertura de portas e recepción de convidados
20:30 — Comezo do acto. Presenta: Rocío Rodríguez Padín, presentadora do Luar na Televisión de Galicia
20:30 — Benvida e presentación: Que é BNI?
20:35 — Vídeo e explicación: A filosofía BNI
20:40 — Palabras do alcalde de Ribeira, Manuel Ruiz Rivas
20:43 — Vídeos de presentación dos membros do Grupo BNI Terramar
20:47 — Discurso da presidenta do Grupo BNI Terramar, Olga Ramos
20:50 — Recoñecementos: en sector social á Asociación Ámbar e a 9 membros do Grupo BNI Terramar pola súa traxectoria: Gonzalo Triñanes, John Matthew Rebollido, Jorge Cánibe, Manuel Sestayo, Severo Nieto, Olga Ramos, Rafael Rodriguez, Rubén Couñago e Mario García.
21:00 — Palabras do membro fundador do Grupo BNI Terramar, Severo Nieto
21:03 — Palabras do director nacional de BNI España, Mark Gibson
21:08 — Peche: palabras do conselleiro de economía, Industria e Innovación, Francisco Conde
21:13 — Agradecementos e despedida
21:15 — Fin do acto inaugural
21:20 — Photocall (membros do grupo e autoridades)
21:30 — Comezo do cóctel
22:30 — Fin do acto
