Este venres 17 de marzo ás 20.30h terá lugar a entrega de premios das persoas gañadoras na quinta edición do circuíto de probas populares de Barbanza Arousa na Casa da Cultura de Boiro.
Entregaranse premios ás distintas categorías gañadoras nos circuítos celebrados nos catro concellos da comarca: A Pobra do Caramiñal, Boiro, Rianxo e Ribeira.
Os premios a entregar son ás categorías absolutas, sub-10, sub-12, sub-14, sub-16, sub-18, sénior, grupos máster femeninas e masculinas, clubes federeados e asociacións, e á categoría de conciencia social destinada a persoas con diversidade funcional, “sapatilla inclusiva” O acto estará conducido polo xornalista deportivo Terio Carrera e contará coa intervención da humorista galega Cristina Collazo.
Para esta edición contouse coa colaboración da asociación AMBAR, inspirados no mar e nas moiranas, as sereas de Barbanza Arousa.
O Circuíto de carreiras Populares Barbanza Arousa “4 carreiras, 1 meta…a pé” ten por obxectivo fomentar a práctica da actividade física como medio para alcanzar unha vida máis saudable.
O Circuito conta co control técnico da Federación Galega de Atletismo e estivo organizado conxuntamente polos concellos que forman parte da Mancomunidade Barbanza Arousa: •A Pobra do Caramiñal •Ribeira •Rianxo •Boiro
