A Pobra perdeu a Ramiro Villoch Herrera, coñecido por levar máis de catro décadas exercendo como médico na vila, pero tamén polo intenso traballo que levou a cabo para recompilar e perpetuar parte da historia da vila e da Ría de Arousa no seu conxunto. Faleceu a madrugada deste sábado aos 92 anos.
A súa total dedicación aos enfermos durante os 44 anos que estivo consultando na Pobra valeronlle o título de “Don Ramiro”, xa que era coñecido non só no concello, senón en toda a comarca do Barbanzana, da que chegou a ser médico decano. .
Boa parte desta ardua investigación saíu á luz en 2006, co apoio do Concello da Pobra e o patrocinio da Deputación da Coruña, a través da exposición Tempos de vela, unha mostra que reuniu imaxes e información sobre un gran parte dos veleiros galegos que navegaron pola ría de Arousa durante o século XIX, moitos vinculados a armadores do Barbanza.
Os restos mortais do médico e historiador pobrense están a ser velados no tanatorio Pobra do Caramiñal, desde onde partirán este domingo, ás 16.30 horas, cara á igrexa de Santa María A Antiga. Tras o funeral no templo, recibirán o enterro no cemiterio parroquial.
