Este sábado 11 de marzo imos ter unha nova edición Mercado Eco-lóxico de Boiro, organizado polo Concello en colaboración co Foro Ecolóxico de Boiro (impulsando e achegando traballos de promoción) cada 2º e 4º sábado de mes na praza do Centro Social de Boiro de 10:00 a 14:00 horas.
Nos postos participantes poden atoparse produtos frescos de horta local e de tempada, alimentación, artesanía, e artesanía de reciclaxe.
A seguinte quenda do Mercado Eco-lóxico será, polo tanto, este 11 de marzo, de 10.00 a 14.00 horas, na praza do Centro Social de Boiro. O Mercado Eco-lóxico de Boiro volverá o cuarto sábado do mes, ou sexa, o 25 de marzo, na mesma localización e no mesmo horario.
Haberá, unha vez máis, diferentes postos de venda con produtos frescos de horta local e de tempada, alimentación, artesanía, e artesanía de reciclaxe.
O Mercado Eco-lóxico de Boiro desenvólvese co obxectivo de “potenciar o mercado de produtos ecolóxicos e de proximidade co obxectivo de establecer sinerxías entre este sector e os demais establecementos de hostalaría e comercio do municipio”.
