Os socialistas de Ribeira, a través do concelleiro-voceiro José Manuel Vilas, presentou ao pleno da Corporación, para ser debatido en pleno, un rogo relativo á seguridade viaria nas inmediacións do IES Leliadoura (Frións), onde os estudantes residentes no lugar están a reclamar a colocación dun paso de peóns, concretamente na estrada CP-7301, co obxectivo de “facilitar a accesibilidade aos seus domicilios no núcleo de Frións”.
Segundo explica o PSOE nun comunicado, “a seguridade viaria das persoas en xeral que cruzan dende unha beira a outra da estrada, para ir aos seus domicilios, á panadaría ou simplemente para levar a cabo paseos, entra en risco nesta zona, xa que algúns condutores non respectan os sinais de velocidade”.
En virtude do devandito, o PSdG pide que “por parte de quen corresponda, sexa valorada a necesidade de implantar un paso de peóns, cos sinais verticais e horizontais precisos no lugar, e facilitar a seguridade na dita estrada á altura da zona de estacionamento”.
