Os patios de xogos das escolas unitarias da Granxa e do Vilariño contan con novo mobiliario, segundo anunciou a concelleira da Educación da Pobra do Caramiñal, Genoveva Hermo (Nós Pobra). Na primeira colocouse un balancín dúo e, na segunda, outro balancín dúo e un individual.
Mobipark foi a empresa encargada da subministración deste material por un importe de 2323’38 euros, IVE incluído. Este tipo de actuacións, sinalou a edil, “buscan un óptimo mantemento das zonas de xogos para uso e desfrute das crianzas”.
