Co obxectivo de mellorar a calidade de vida das mulleres que exercen de coidadoras de persoas dependentes, a Concellería de Igualdade da Pobra que dirixe Charo Varela (Nós Pobra) vén de impulsar o obradoiro Coidando as que coidan.
Máis concretamente, con esta acción preténdese “previr e intervir na sobrecarga xerada por un labor que asumen maioritariamente as mulleres ao longo da historia e que pode acabar repercutindo negativamente na súa calidade de vida e na súa saúde, ademais de influír na calidade dos coidados que exercen”.
O obradoiro consta de seis sesións durante as cales se traballará con base nas dificultades e experiencias das mulleres asistentes a través de dinámicas psicoeducativas, teórico-prácticas e participativas.
Impartirase nos días 30 de xaneiro; 6, 13, 20 e 27 de febreiro; e 6 de marzo; en horario de 16.00 a 18.00 horas, nas dependencias dos Servizos Sociais e da Igualdade, fronte á casa consistorial.
Máis información e inscricións de balde no enderezo electrónico igualdade@apobra.gal ou no teléfono de contacto 981832764, marcando a extensión 6.
