Este domingo 22 de xaneiro, pola mañá, o Club de Remo da Pobra (Club de Remo Puebla) presentou oficialmente os equipos de equipos de bateis que competirán nesta temporada 2023 e que xa comezaron este sábado 21, coa primeira regata amigábel en augas do concello.
Acudiron á regata os clubs de Rianxo e Cabo. “Destacar que esta tempada contamos con equipo en todas as categorías, tanto feminino como masculino”, sinalaron dende a entidade deportiva pobrense.
O evento, salientaron, “foi todo un éxito” e “un día moi importante para nós, sobre todo para os rapaces”. O evento deportivo serviu tamén para agasallar a Protección Civil pola súa importante e continua “colaboración en todas as regatas”, e “cada vez máis debido ao aumento do número de regatas que estamos organizando”.
O club tamén agradeceu o traballo do Concello por “colaborar con nós na organización deste acto”. A un nivel máis concreto, a directiva da entidade tivo palabras de gratitude para a concelleira de deportes, Genoveva Hermo, agasallándoa cun pequeno detalle cedido pola Liga LGT : “Un álbum de fotos co resumo do que foi a nosa regata na pasada tempada do 2022”, explicaron.
Autoría fotos: Lucas Lijó.
