O Concello de Ribeira pendurou na web municipal as bases bases do concurso, desfile e festival de murgas, comparsas e carrozas de Ribeira (en formato PDF), aprobadas este xoves 12 de xaneiro en comisión de Goberno e cuxo prazo de inscrición dará inicio unha vez sexan publicadas no Boletín Oficial da Provincia.
Segundo informou o Concello, as bases desta actividade local do Entroido en Ribeira veñen con novidades. Entre elas, a incorporación da categoría de carrozas e a separación entre o festival infantil (que será o sábado) e o concurso de murgas, comparsas e carrozas dos adultos, que se celebrará o domingo 19 de febreiro pola tarde. Pola súa banda, o festival das murgas e comparsas infantís será o sábado 18 de febreiro, ás 18 h no auditorio municipal).
