A muller afectada foi evacuada ao Punto de Atención Continuada da localidade, tras arder a campá extractora e producirse diversos danos materiais na cociña da casa.
Os feitos sucederon nun edificio da rúa Pablo Iglesias, ao fío das 3:30 horas da pasada noite. Nese momento, un veciño do inmoble alertaba ao 112 Galicia do incendio.
Axiña, desde o 112 Galicia púxose a situación en coñecemento de Urxencias Sanitarias de Galicia-061, dos Bombeiros de Boiro, da Garda Civil, do Servizo Municipal de Protección Civil e da Agrupación de Voluntarios de Protección Civil de Boiro.
