O Concello da Pobra do Caramiñal lembrou que este 5 de xaneiro celebrarase a visita de Melchor, Gaspar e Baltasar á localidade, e tamén ao resto dos principais núcleos de poboación do termo municipal. A xornada arrancará ás 11.00 horas dende a aldea de San Paio, lugar ata o que se desprazará o alcalde, Xosé Lois Piñeiro (Nós Pobra), para recibilos. Deseguido, iniciarase o percorrido polas parroquias.
Xa pola tarde, a partir das 17.30 horas, desenvolverase a tradicional cabalgata polo núcleo urbano que partirá do polideportivo municipal de Venecia.
