Este luns 2 de xaneiro a Carpa Solidaria instalada no centro urbano de Boiro, na praza de Galicia, acolle un espectáculo da escritora e contadora Raquel Queizás para público infantil e familiar: a función Historias dunha maletra. Será ás 18.30 horas deste luns.
Historias dunha maletra é un convite para que as nenas e nenos se mergullen en diferentes culturas e nos diversos costumes de pobos e países situados en todos os continentes. Os nenos asistentes terán o privilexio de viaxar polo mundo enteiro e escoitar lendas e historias antigas que lles axudarán a redescubrir a propia historia e cultura galega, que para moitos nenos e nenas aínda é descoñecida.
