A empresa norteamericana McDonald’s aterra en Ribeira para a inauguración da súa oitava franquía na provincia. O restuarante é o primeiro da comarco e está situado na zona do polígono industrial, en Lugar de Xaras.
O local ten unha superficie de 303 metros cadrados e dispón dunha terraza con 76 asentos. A apertura da franquía supoñerá un total de 20 novos postos de traballo para o municipio coruñés.
Desde Ribeira, Abel Doce, o franquiado, destaca a oportunidade de traer “por primeira vez” o recoñecido logo norteamericano aos veciños de Ribeira. “A través desta apertura ofrecemos a mellor experiencia McDonald’s á vez que contribuímos á creación de emprego local”, sinalou.
Durante a inauguración do local, tamén se dirixiu aos medios e animou a todos a probar os produtos do menú. “Esperamos cos brazos abertos a todas as persoas que desexen achegarse para gozar dos seus produtos favoritos e de bos momentos connosco”.
Pola súa banda, David Lerma, director Rexión Oeste de McDonald’s España, quixo destacar Galicia como “rexión crave” na expansión da marca. “Seguimos traballando para facer posible o plan de expansión da compañía a través dun negocio sostible e responsable, xerando un impacto positivo na sociedade, comprometidos coa creación de emprego de calidade e o apoio á economía española. Sempre co noso propósito de marca por diante: apoiar ás comunidades nas que estamos
presentes”.
O restaurante, ademais da terraza, conta con servizo a mesa, quioscos dixitais, un espazo de cafetería e a posibilidade de entrega a domicilio. Un Play Pace, zona de xogo para os máis pequenos, completa o establecemento, que tamén conta co servizo McAuto e dous puntos de recarga para coches eléctricos.
