Pesar polo falecemento do ribeirense, Gonzalo Sarasquete

28 Decembro 2022

A tarde deste mércores achéganos a triste nova da morte do escultor ribeirense, Gonzalo Sarasquete Fernández. Artista moi querido na cidade e comarca pertencía a dúas das familias mais coñecidas da vila, Sarasquete e París-Cambeiro. Os restos mortais atópanse no Tanatorio de Cristobal Colón e recibirán sepultura este xoves ás 18.20 para as 19.30 celebrarse o funeral na Igrexa Parroquial de Santa Uxía.

Gonzalo nace en Santa Uxía, o 14 de Maio de 1961, licenciado en Belas Artes na Universidade de Salamanca en 1988. No 1985 influído polo movemento Atlántica dos oitenta, comeza a súa traxectoria no seo dunha arte bruta e étnica de carácter abstracto, influenciada polo Mínimal e certos autores europeos, axiña apunta cara a un reducionismo que se enguedella co barroco de placas tan xeométrico, ao que incorpora unha fonda ironía que o liga de preto á tradición galega.
Aínda que dá os seus primeiros pasos con materiais como o granito e a madeira, a busca lévao ó sulfato de cobre, o asfalto, o caucho, a máis da lousa do pais, converténdose nun material propio, referente nos seus traballos máis expresivos.

Entre as obras mais coñecidas está o famoso monumento ao percebe de Aguiño ou o proxecto “Tódolos silenciados. Fuxidos, agochados, asasinados”, que resultou o elixido para honrar a memoria dos represaliados no Barbanza durante a ditadura franquista en Lousame. D.E.P.

Aguiño homenaxe ao percebe

Con exposicións en Galicia como en Sargadelos, Novíssimos e Dimensións Atlánticas para Universidade Menéndez Pelayo na Coruña. En Madrid en galerías como Villalar ou Belarde 20, seleccionado polo crítico Miguel Logroño para ACTA 88 no Palacio de Velázquez de El Retiro. Tamén en Sevilla, Valladolid, Burgos, Bejar e Mallorca. Está presente nalgunhas coleccións como Banco de España, Helga de Alvear ou a colección “Itinerarios” de M. Logroño para o MEIAC de Badaxoz.Ten esculturas públicas en Salamanca: “Oración polo esponsor” e “O estómago do edificio”, Novos Xulgados de Salamanca.
Mais recentemente se topa comprometido cunha escultura combativa de denuncia avandoando o puramente estético e acercandose máis á sua terra con novas series como : “O ultimo Patagullo” presentada na galeria Metro de Santiago, no setembro do 2011.

Ademáis da comarca, as súas obras percorreron importantes galerías, desde O Palacio de Velázquez, no Retiro, ata o Museo do Pobo Galego compostelán, pasando por salas de Sevilla, Valladolid, Burgos, Salamanca e Mallorca.

O legado artístico de Gonzalo Sarasquete non só queda en Barbanza, senón que está presente nalgunhas coleccións como Banco de España, Helga de Alvear ou o Meiac de Badaxoz. Deixa, ademais, impoñentes esculturas públicas fose das fronteiras da comarca, entre as que destacan O estómago do edificio, nos Novos Xulgados de Salamanca.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.