O Goberno local de Dodro aprobou na sesión do 13 de decembro a solicitude de licenza de obra para a rehabilitación integral do CPI Eusebio Lorenzo Baleirón, logo de que a empresa adxudicataria (a UTE formada por Construcciones Orega e Construcciones Delfín Ferreiro) executara o pago das taxas e o imposto correspondente sobre edificación, instalación e obras, que fora previamente bonificado co 95% polas “circunstancias sociais e culturais que fan que se consideren como de especial interese para o Concello e de utilidade pública municipal”.
O Concello explica que a aprobación da solicitude foille notificada a Consellería de Cultura, Educación e Universidade, e desde este momento a empresa adxudicataria pode comezar coas obras de rehabilitación integral do centro, obras que o sector educativo levaba demandando desde fai anos”.
Estas obras coincidirán co período lectivo e a empresa acometerá ditas obras en coordinación co
centro educativo, “para que causen o menor trastorno posible no desenvolvemento das clases”, engadiu o Concello.
