Despois do seu paso por Boiro e Rianxo, a quinta edición da ruta + que tapas recala na Pobra do Caramiñal. Así, o itinerario gastronómico poderá realizarse polo municipio pobrense a partir do venres 22, desde as 20.00 ata as 23.00 horas, así como o sábado 23 e domingo 24, en horario de 12.00 a 14.00 horas e de 20.00 a 23.00 horas. Como actividade complementaria na xornada do sábado, a partir das 20.00 horas, haberá tapeo Quico Cadaval e o soumiller Juan Figueroa Treus.
O prezo da tapa establécese nos 2’50 euros e os establecementos da Pobra que toman parte nesta iniciativa son Tertulia, A Casa de Manuel, Atlántico, A Batea do Castelo, Tertulia no Laño, Blue Moon, 4’20, Galeón, La Calle e Mi Manda Picone.
Cómpre destacar que os tres primeiros clientes en pedir un petisco nalgún dos locais anteriormente enumerados durante o día de apertura da ruta, terán como premio unha entrada para concerto de Arizona Baby que se celebrará o 29 de novembro en A Pousada da Galiza Imaxinaria, no municipio de Boiro. Ademais, tódolos participantes entran nun sorteo de catro bonos gastronómicos e un concerto exclusivo que terá lugar antes de que finalice o presente ano.
Por outra banda, este evento gastronómico conta coa colaboración dos bodegueiros de Viños da Terra de Barbanza e Iria, propoñendo maridar os petiscos cos seus caldos.
Esta iniciativa impulsada pola Mancomunidade de Municipios Arousa Norte concluirá en Ribeira (29 e 30 de novembro e 1 de decembro).
