En total, o 112 rexistrou 92 incidencias relacionadas co vento entre as 00 e as 9 horas. Entre as máis destacadas, a colisión dun camión cunha árbore no quilómetro 19 da DP-2904 ás 6 horas. Afortunadamente, o condutor non resultou ferido. Tamén, a rotura dunha fiestra nun piso da rúa de Alcalá Galiano, en Ribeira, que requiriu da actuación dos Bombeiros para evitar a súa caída sobre a calzada.
As máis repetidas tiveron que ver coa caída de árbores e polas nas estradas, con 53 casos, o que ocasionou o corte dalgunhas estradas secundarias a espera da intervención dos servizos de emerxencias.
Ademais, a provincia máis afectada foi a da Coruña, con 41 incidencias relacionadas, seguida de Pontevedra (30) e Lugo (20). Cabe destacar que, ata as 9 horas, en Ourense só se rexistrou unha incidencia pola acción do vento.
