A compañía Educa Teatro, famosa polas súas revisitacións e readaptacións musicais (e actuais) de contos tradicionais para a rapazada (por exemplo Os 3 porquiños ou Cararapuchiña vermella), vai estar os días vindeiros en Porto do Son para ofrecer a súa particular (e espectacular) revisión de Pinocho, de Carlo Collodi.
Será o día 10 de decembro ás 17.00 horas na Casa da Cultura, e non será preciso retirar entrada (entrada libre até completar aforo). En palabras da área de Cultura de Concello, “estamos ante unha curiosa adaptación ao teatro musical do clásico de Carlo Collodi, unha historia contada a través dos ollos de Pepiño Grilo, que, xunto ca Fada Mimadriña, Raposo e Gato, acompañarán a Pinocho no camiño de converterse nun neno de verdade”. Máis datos na páxina web da compañía.
ℹ️ Educateatro Producións >
