A compañía Fulano, Mengano e Citano subirase ás táboas do Elma o domingo 17, ás 19.00 horas, para presentar A louca historia de Galicia. Trátase dunha obra onde Suso Pando, Marcos Alonso e Manuel Pombal propoñen un percorrido, en clave de humor, pola historia de Galicia. Así, levarán aos espectadores por tódolos períodos de luz e de sombras, ata, ás veces, de apagamento total, que fixeron dos galegos o que somos.
A entrada é libre e ata completar aforo. Esta actividade enmárcase no bloque destinado a maiores de 16 anos da programación teatral organizada pola Concellería de Cultura da Pobra do Caramiñal en colaboración coa Rede Cultural da Deputación da Coruña.
