As artes escénicas volven ao Teatro Cine Elma no día 20, ás 19.00 horas, coa función As que limpan, da compañía A Panadaría, ao abeiro do ciclo teatral artellado para o mes de novembro na Pobra do Caramiñal.
A dita peza parte dun letreiro pendurado no manubrio dun cuarto no cal se le “Por favor, arranxe o cuarto.” Ao regreso da praia, as camas feitas, as toallas limpas e o baño impoluto. A obra fala da loita organizada das camareiras de piso dos hoteis por acadaren uns dereitos laborais e sociais xustos.
A entrada é libre ata completar a cabida.
Organiza a Concellaría da Cultura, da cal é titular a edil Patricia Lojo (PSdeG-PSOE), en colaboración coa Rede Cultural da Deputación da Coruña.
