O Concello de Boiro, a través do departamento de Servizos Sociais e Benestar, organiza o vindeiro 11 de novembro, no Pavillón de Barraña, o Xantar de Confraternidade da Terceira Idade deste ano 2022. Será vindeiro venres 11 de novembro ás 14.00 horas. As inscricións estarán abertas a partir do luns 31 de outubro no departamento de Servizos Sociais. Esta actividade retómase logo da paréntese da crise pandémica, durante a cal interrompeuse a súa celebración por motivos de seguridade. “Este xantar ten como obxectivo ofrecer unha xornada de ocio e confraternidade para os nosos maiores. Este ano será, se cabe, máis especial, porque non nos puidemos xuntar durante moito tempo”, recoñeceu o alcalde José Ramón Romero, engadindo que o cathering contará con música e baile.
Haberá dous prazos de inscrición, un para as persoas empadroadas en Boiro que será entre o 31 de outubro e o 4 e novembro, e un prazo para aquelas persoas de outros municipios, os días 7 e 8 de novembro. So se permiten reservas de dúas entradas por persoa, e sempre dispoñendo dos DNI dos solicitantes.
As persoas interesadas en asistir a este xantar deben dirixirse ao Concello de Boiro co seu DNI e preguntar na conserxería para recoller no departamento de Servizos Sociais a carta de pago da inscrición e o tícket de entrada.
“Dende o noso departamento traballamos para mellorar o benestar e calidade de vida de persoas con discapacidade, colectivos vulnerábeis e persoas maiores“, afirmou o concelleiro Raúl Treus.
