Este sábado 22 de outubro o Pavillón de Barraña acolle unha actividade deportiva e saudábel de pilates organizada por Pilates Boiro en beneficio da Asociación Española Contra o Cancro (AECC), no marco do programa local Miscelánea en Movemento, impulsado polo Concello para nenas e nenos e co obxectivo de fomentar a conciliación. Será ás 17.00 horas no Pavillón de Barraña. As inscricións cómpre facelas a través do Centro de Información á Muller (CIM) de Boiro, sendo 5 euros o custe da inscrición. Dende a organización lembran ás persoas que queiran participar que é preciso que leven colchoneta.
