A modo de preámbulo dos actos do Día Internacional da Eliminación da Violencia contra a Muller, o 25 de novembro, o Concello de Ribeira a través do Centro de Información á Muller (CIM) promove a realización dun curso de autodefensa para mulleres ante situacións violentas, o cal será impartido por especialistas da Federación Galega de Loita pertencentes ás Forzas e Corpos de Seguridade do Estado.
Esta actividade terá lugar o sábado, 23 de novembro, en horario de 10.00 a 14.00 horas e de 16.00 a 20.00 horas, no complexo deportivo da Fieiteira. As inscricións débense formalizar no CIM, situado na rúa Deán Pequeño nº 4, con teléfono 981871131 e enderezo electrónico cim@riveira.com.
