Boiro Novo solicita medidas urxentes para garantir a seguridade nos accesos ao CEIP de Escarabote

07 Novembro 2019

A agrupación Boiro Novo, liderada por Dores Torrado Ares, vén de presentar unha moción, con vistas a ser debatida e aprobada no seguinte pleno, para a realización inmediata e urxente de actuacións que melloren a seguridade viaria e a accesibilidade na estrada de acceso ao CEIP de Escarabote.

Entre os motivos que se esgrimen para o desenvolvemento dos arranxos figura a necesidade de garantir un tránsito seguro para o alumnado especialmente nos intres de saída e de entrada dos escolares, unha necesidade que debe ser extensíbel a todos os centros educativos do concello, sinala Boiro Novo.

Amais do devandito, a agrupación política local reflicte as demandas da comunidade educativa do CEIP de Escarabote (ANPA e profesorado), cuxos integrantes levan tempo solicitando actuacións prioritarias na contorna das instalacións do centro de ensino que “garantan a seguridade e accesibilidade ao centro”, especialmente nos devanditos momentos de máis fluxo de persoas e vehículos.

Por outra banda, Boiro Novo lembra que “na lexislatura anterior, o noso grupo municipal xa demandou en reiteradas ocasións estas actuacións, que non foron executadas, polo que consideramos que estas obras deben ser prioritarias neste novo mandato”.

Por este motivos, solicitan a construción dun novo treito de beirarrúas que conecte a existente coa entrada ao recinto escolar; a instalación dunha pasarela cuberta dende o portal de acceso exterior á zona de aulas, para facilitar a entrada do alumnado e as súas familias sen mollarse; realizar melloras de seguridade viaria como é o pintado dos pasos de peóns, sinalización de zonas habilitadas para o estacionamento e o reforzo de puntos de luz na contorna do centro de ensino”. Asemade, o grupo que lidera Dores Torrado pon o foco na urxencia de levar a cabo medidas que aseguren a accesibilidade integral ao recinto escolar, como sinalar unha praza de reserva de aparcamento para persoas con diversidade funcional “o máis próxima posible á rampla existente neste centro”.

Outros artigos

Publicidade

Revista en papel

Opinión

“Tomadura de pelo en prime time”. José Antonio Constenla

“Tomadura de pelo en prime time”. José Antonio Constenla

Hoy ha triunfado el amor, no podía ser de otra manera. Porque, ¿existe alguienque, al igual que Pedro Almodóvar, no haya llorado “como un niño” después deleer la carta a la ciudadanía o escuchar la intervención del presidente de ayer?A veces pienso que somos unos...

“Convulsión y especulaciones”. José Castro López

“Convulsión y especulaciones”. José Castro López

Convulsión en la sociedad después del retiro del presidente “al rincón del pensar ymuchas especulaciones. Unos dicen que los cinco días de “asuntos propios” son paravictimizarse y no dar explicaciones y otros señalan que, falto de cariño, buscó laadhesión de los suyos...