O Concello de Boiro confirmou que vai manter a súa programación cultural durante o mes de setembro, unha vez rematada a época estival. Entre as propostas que desenvolve a Concellería de Cultura hai teatro, cine e concertos, tamén obradoiros e actividades formativas e presentacións literarias.
A axenda cultural de outono comezou esta fin de semana cunha presentación literaria, contacontos e unha proxección dun filme, así coma os obradoiros das residencias artísticas.
A programación cultural continúa todo o mes, esta fin de semana haberá unha proxección dun filme e danza no Pazo de Goiáns. De cara á vindeira semana haberá charlas sobre trámites electrónicos, o I Encontro de Profesionais da Xestión cultural de Galicia e tamén espectáculos para público infantil.
