Un coche BMW Serie 3 foi pasto das chamas por mor dun incendio que afectou a parte do motor. Foi preto das duas e media da madrugada cando un particular alertou ao 112 Galicia de que había lume nun coche estacionado na Rúa Rafael Dieste da capital barbanzán, xunto o parque infantil e a ludoteca “O Xardín Ventureiro”. Desde o centro de coordinación de emerxencias mobilizouse aos Bombeiros do parque comarcal, que sufocaron o incendio e impediron que as chamas alcanzasen o interior do vehículo. O lugar tamén se desprazaron as patrullas das Policías Local e Nacional. Desde a comisaría abríronse dilixencias para tratar de determinar as causas do sucedido.
