O amigábel que o Emevé e o Rotogal Boiro Voleibol ían disputar este sábado 10 no Pavillón Municipal de Lugo foi suspendido. As baixas do conxunto da Cachada propiciaron a cancelación do choque. O central Mario Iglesias sufriu unha lesión nos isquiotibiais que lle manterá ao redor de dez días afastado das canchas. Ademais, ao conxunto que dirixe Emilio Palacio aínda non se incorporaron o tres estranxeiros: o central Wu Cheng-Tang, o oposto Gerónimo Elgueta e o receptor Kleist Mendonça.
Agora, o Rotogal Boiro Voleibol traballa para pechar novos amigábeis. O próximo partido dos da
Cachada será o sábado 17 en Pontevedra, correspondente ás semifinais da Copa Galicia. O
rival será o Vigo.
