O Concello de Dodro informou de que grazas ao Fondo de Recuperación da UE (Next Generation) para facer fronte ás consecuencias da COVID, coordinado localmente dende Servizos Sociais e Benestar de Dodro, celebrarase unha actividade do programa Coidados porta a porta, centrado en levar servizos asistenciais ás persoas maiores do rural para a prevención da dependencia e o fomento da autonomía persoal e a calidade de vida.
Achegaranse recursos prácticos sobre podoloxía, audioloxía e estimulación da memoria. Celebraranse varias charlas: unha na Casa da Cultura o 30 de agosto a partir das 11.00 e tres sesións máis no Polideportivo da Paxareira (unidade móbil adaptada) os días 30 e 31 de agosto e 1 de setembro, de 9.00 a 20.00 horas. Para máis información cómpre chamar aos teléfonos 622 748 283 e 623 546 992.
