Duascentas cincuenta persoas participaron na andaina de AGADEA ‘Os Camiños dá Memoria’ que abriu o famoso divulgador e influencer ambiental Rogelio Santos Queiruga.
A entidade AGADEA ALZHÉIMER logrou hoxe cumprir o obxectivo de sensibilizar sobre esta doenza cunha unha gran marea verde de camiñantes. Unha semana antes as prazas estaban completas e hoxe familias enteiras xuntáronse en Ribeira para percorrer os 8 quilómetros da Andaina ‘Os Camiños dá Memoria’.
A presidenta de AGADEA, Isabel Gey, a cocelleira de Servizos Sociais, Ana Isabel Barreiro e o influencer Rogelio Santos Queiruga, foron os encargados de dar a saída. Precisamente, Rogelio Santos, de Queira, en Porto do Son, causou balbordo entre os participantes. El é unha persoa moi recoñecida polo seu gran labor como divulgador das riquezas do mar no seu traballo diario como pescador.
Outro dos pratos fortes da andaina foi o photocall realizado polas persoas usuarias do Centro de día Alzhéimer de Ribeira. O seu excepcional traballo viuse recoñecido coas decenas de fotos dos camiñantes. Pola súa banda, o grupo Tahúme animou toda a tarde coa súa música e o Parque García Bayón converteuse nunha festas.
A andaina, organizada coa colaboración do concello de Ribeira e con Eduardo Iglesias, de Arousa Neo, como director técnico, contou co apoio directo de veciños e de máis de 50 pequenos comercios da zona. Todos quixeron colaborar, e os que non puideron economicamente fixérono con agasallos que foron sorteados, comida e bebida para o avituallamiento ou como voluntarios, como a Asociación de Amas de Casa de Ribeira. Outros colectivos como grupos de atletismo, de música como Ultreia, Leite con Jalletas, as `praceiras´da zona achegaron tamén o seu gran de area. Outros o fixeron co Dorsal 0.
En definitiva foi unha gran acción de convivencia veciñal coa que AGADEA cumpriu o seu obxectivo de sensibilizar sobre o Alzhéimer e potenciar actividades de vida saudable.
