O xoves 25 de agosto, ás 21.00 horas, o grupo The Cuncas realizará un concerto en Rianxo dentro da súa xira Xira que te libras 2022. Será na praza Rafael Dieste.
The Cuncas é unha banda de Boiro formada durante a pandemia por Manu Sobral, Elías Romero e Juan Ortega). No mes de abril do ano pasado ofreceron o primeiro concerto e xa levan unha trintena de actuacións ás súas costas. Están a preparar o seu primeiro traballo discográfico, que esperan sexa lanzado en outono. Musicalmente beben das fontes do pop-rock en inglés, español ou galego dende os anos 60 ata a actualidade.
