O Concello de Boiro organiza esta fin de semana unha nova edición do Mercado Castrexo que se instalará na rúa peonil de Boiro durante os días 12, 13 e 14 de agosto. Haberá postos de animación, artesanía e alimentación. Amais, instalarase un campamento castrexo, haberá xogos tradicionais e realizaranse vodas celtas.
O mercado estará aberto o venres pola tarde, en horario de 18.00 a 24.00 horas; o sábado pola mañá de 11.00 a 15.00 horas e pola tarde de 18.00 a 24.00 horas; e o domingo no mesmo horario de mañá e tarde. O programa de actividades abrangue e desfiles pola zona do mercado, obradoiros de actividades e ambientación de rúa.
O programa detallado pode consultarse na web municipal.
