O Departamento de Turismo de Ribeira vai ofrecer durante os meses de agosto e setembro visitas guiadas gratuítas ao parque periurbano de San Roque a ao entorno do miradoiro de Pedra da Ra e Castro da Cidá. A proposta foi presentada esta mañá polo concelleiro Ramón Doval xunto coa técnica municipal Sandra Fernández.
No que se refire á visita guiada ao parque de San Roque, terá lugar todos os martes de 11:00 a 12:30, requiríndose un grupo mínimo de 8 persoas e un máximo de 15. Os participantes poderán mergullarse no
megalitismo, arte rupestre e castrexo: tres manifestacións culturais coas que descubrir a prehistoria galega. O punto de saída será o centro de interpretación arqueolóxica.
Polo que respecta á visita a pé a Pedra da Ra e Castro da Cidá, desenvolveranse todos os venres de 11 a 12.30 horas, esixíndose igualmente un grupo mínimo de 8 e un máximo de 15 persoas. O
punto de encontro será o multipremiado miradoiro de Pedra da Ra.
Para máis información e reservas cómpre contactar coa oficina de Turismo do Malecón, que abre todos os días excepto os martes de 10:30 a 14:00 e de 18:00 a 20:30 horas. O teléfono é o 981 873 007 e
o enderezo electrónico, oficinaturismo@ribeira.gal.
Ramón Doval animou a veciños e visitantes a desfrutar destes enclaves.
